Sluttinnlegg

No takkar eg for meg.

Denne bloggen vil bli verande slik den er, eg kjem ikkje til å oppdatere meir. Eg håpar nye lesarar kan finne inspirasjon sjølv om innlegga er gamle.

God gamaldags photoshopmoro

Same personar på same bilete er eit enkelt triks.
Ein tek fleire bilete utan å flytte kamera eller endre innstillingar.
I Photoshop legg ein desse bileta oppå kvarandre i fleire lag.
Ein legg ei svart maske på laga (ikkje bakgrunnen). Så bruker ein kvit brush for for å gjere laget synleg der personen er. (Sjå bilete av laga her)

Gamle eksempel:

Gjertrud på strand 1

Gjertrud på strand 2

Hardanger

Pilatesball på kunstbane

Aina på operaen

Meg på Operaen

Maren og Vilde på trampoline

Vilde på trampoline

Stavanger nittande mai

Idag har me ikkje vore på skulen, men i Stavanger.Me fekk eit læringsoppdrag, å ta bilete i reportasjestil av byen. Eg har valt å ta bilete av marknadstilbodet i byen. Eg tok derfor bilete av grønsakstboder, hyggeleg handel mellom ei gamal dame og ein blomsterhandlar. I kontrast til desse friske, fargerike varene, tok eg med eit bilete av ei bod som sel smykker.

Lukker: 1/250 Blender: f/4,0 ISO:100

Lukker: 1/500 Blender: f/5,6 ISO:100

Lukker: 1/800 Blender: f/5,6 ISO:100

Oppsummering

FOTO
Denne våren har eg lært mykje. Det viktigaste eg har lært meiner eg er å tenkje over komposisjonen i bileta mine i mykje større grad.  Det å ta seg tid til sjå skikkeleg på motivet, finne linjene og plassere det på ein god måte i formatet, har gjort at eg no tek betre bilete enn før. Dessutan har eg blitt flinkare til å redigere bileta mine og har brukt mykje tid på å lære meg nye ting og vurdere kva som er best.
Oppgåvene har våre kjekke og opne, slik at det eg har tenkt nøye gjennom kva eg vil ha som motiv. 
BLOGG
Eg syns blogging har fungert veldig bra. Det er ein fin måte å vise fram arbeidet sitt, og det har vore inspirerande å sjå korleis dei andre i klassen har løyst oppgåvene.
Det som har vore utfordrande men spanande med blogging er å blande dei reint tekniske tinga ein har gjort for å ta bilete, men òg ide og tankar bak biletet i ein tekst slik at lesarane betre forstår "besvarelsen" på oppgåva.
Dessutan har det vore oversiktleg og bra med ein fellesblogg for heile klassen.
ARBEIDSMETODAR
Eg har likt arbeidsmetodane. Å ta bilete er noko praktisk, og eg syns det var passeleg med teori som lærte oss å ta betre bilete. Det å blogge om det me har lært i timane har våre veldig effektivt. Eg lærer mykje når eg må formulere stoffet med eigne ord. Då tenkjer ein gjennom stoffet på nytt, og det sit betre. 
Alt i alt syns eg det har fungert veldig bra. Foto har vore eit kjekt fag.

Bokomslag

Me fekk i oppgåve å lage eit bokomslag til ei bok som skulle ha tittelen"Sort", der me skulle bruke eit bilete i svartkvit og arbeide med layout i InDesign. Sidan eg føretrekk å bruke nynorsk er tittelen eg har brukt "Svart".

Eg har arbeida med ulike foto og laga mange forslag med kvart foto som utgangspunkt.
Eit av bileta eg arbeida med var lys som skin gjennom tretoppar, men det er ute av fokus så det blir som eit mønster:  Lys 1 , Lys 2ogLys 3

 Det eg likte med dessse forslaga var at biletet kan passe til kva bok som helst.

Neste bilete eg brukte var av nokre vissne blomar. Eg brukte dette biletet fordi eg likte korleis plantene vart "harde og uhyggelege" med auka kontrast og i svartkvit. Dette er forslaga eg laga med dei:

Blom 1,Blom 2, Blom 3og Blom 4

Eg bestemte meg for å prøve ut med eit bilete der sjangeren på boka er tydelegare. I og med at tittelen er "Svart" tenkte eg at det måtte vere eit ubehageleg bilete som kunne passe til ei trist eller skummel bok. Eg valte derfor eit bilete teke med lang lukkertid der Regine ser ut som eit spøkelse. Eg likar at med første augnekast ser det litt tomt ut, med ein svart stol. Når ein ser betre etter, skimtar ein ein person.

Stol 1 ,Stol 2 ,Stol 3 ogStol 4

Eg har valt ein klassisk antikva skrift, men ei litt større og annleis skrift på tittelen. Eg har plassert den høgrestilt og slik at linjene i biletet ramma tilttelen inn.

liksom-RAW

Ein kan ta bilete i RAW-format. Vanligvis tek ein bilete i jpg-filer. Då lar kameraet vere å lagre informasjon det går ut i frå at ein ikkje treng. Når ein tek bilete i RAW-format, lagrar kameraet all informasjon og ein endre biletet meir på datamaskina.

Idag har me lært korleis ein kan bruke Bridge for å redigere eit jpg bilete som om det var ei RAW-fil. Me stilte altså inn på dei same tinga ein kan stille inn på ei RAW-fil.
Før redigering i Bridge:

 Etter redigering i Bridge:

gradient map+curves+crop...

...og vips så har ein eit nytt bilete.
Idag har eg arbeida med å endre utrykket i eit portrett. Originalbiletet er det øvste i dette innlegget. 
Eg gjorde biletet først svartkvit med "Gradient Map".
Derretter auka eg kontrasten ved hjelp av curves. Så la eg ei "layer mask" over eit nytt "curves-lag" der eg framhevde teksturen i skjerfet, håret og gjorde ansiktet sterkare i ansiktet.
Til slutt beskar eg biletet for å endre utrykket endå meir.

Eg brukar dei fleste funskjonar som "adjusments layers", ein kan og redigere bilete-laget, men eg tykkjer det er betre å bruke "adjustmenst layers". Då kan eg lettare ta det vekk, endre det og eg kan leggje ei maske på slik at det berre gjeld delar av biletet. Snarvegen til "adjustments layers" er sirkelen som er halvt kvit og halvt svart nedst i layers vindauga.

Reflektor

Idag har me arbeida med reflektor.
Ein reflektor bruker ein for å kontrollere lyset. Ein kan unngå mørke, tydelege skuggar i ansikt sjølv om lyset tydeleg kjem frå ein retning.

Ein reflektor som er gullfarga reflekterer det varme lyset.
Sølvreflektor gjengir det kalde og kvit reflektor gjengir lyset i fargen det er.

Ein kan og bruke filter for å fordele lyset slik at det blir mjukt og ein ikkje får harde skuggar.

Gullfarga  reflektor:
Uten:
 
Med:

Sølvfarga reflektor:
Uten:

Med:
Filter:
Uten:

Med:

Retusjering

Idag har me retusjert bilete i photoshop.
Dette var utgangspunktet mitt:

Slik vart det:

Dette har eg gjort med biletet.
Eg har brukt Spot Healing Brush Tool for å ta vekk enkelte merker.
Eg har brukt Dodge Tool for å lysne nokre områder i ansiktet. Spesielt under augene, litt på haka, og litt på kjakane. Dessutan har eg lysna irisen litt og det kvite i augene og brukt Burn Tool langs kanten på irisen.
Eg har jamna ut huda litt med Brush Tool med lav opacity.
For fin kontrast og eit litt kaldt skjær i lyset har eg kopiert "green channel" inn i ein eigen layer, så sett layermoduset til "soft light" og opasity til 40%.
For at augene og leppene ikkje skal få dette kalde skjæret har eg lagt på ei "layer maske" som er svart på desse områda.

portrett

Idag har me arbeida med å ta portrettbilete.

Eit portrettbilete er eit bilete der personen er motivet.

Idag har Regine vore mitt motiv.

ISO: 100 Blendar: f/ 5,6 Lukkar:1/1250

Ideen i dette biletet var å få ein spanande vikel og ha treet som bakgrunn i biletet. Derfor har Regine klatra opp slik at ein ser ho i froskeperspektiv og blikket hennar er litt drøymande. I dette biletet kjem lyset nokså jamnt fordelt frå "taket". Det blir lys/mørk kontrast mellom ansiktet til Regine og dei mørke kleda og bjelkane bak ho.

ISO: 100 Blendar: f/ 5,6 Lukkar:1/160

Regine hang seg opp ned i eit metallstativ. Då er det ikkje anna å gjere enn å ta bilete. Ideen var altså ikkje meir planlagd, men eg likar korleis ein må sjå to gongar før ein ser om det er Regine eller biletet som er opp ned.

Her er lyset skarpare enn på dei teke i skuret. Sola skein og ho får meir skuggar i ansiktet.

ISO: 100 Blendar: f/ 5,0 Lukkar:1/800

Her var ideen ha ta bilete med ein klar farge som bakgrunn. Lyset kjem frå den eine sida og Regine har eit naturleg utrykk som ikkje er tilgjort, ho snakkar berre med nokon.

ISO: 100 Blendar: f/ 4,5 Lukkar:1/50

Her var ideen å ta bilete inne. Regine er optatt, men det syns eg ikkje gjer noko. Det gjer at biletet ikkje verkar "falskt". Her er det mykje mindre lys og biletet blir mørkare, Lyset som er kjem frå eit vindauga, men sola skin ikkje i den retningen.

Blenderopning

Blenderåpning handlar om kor mykje kameraet opnar seg når det tek bilete. Stor blenderopning vil med andre ord sei at det er eit større areal som samlar inn lys enn når ein tek bilete med liten blenderopning.
Stor blenderopning slepp mykje lys inn, medan liten blenderopning slepp lite lys inn.


Blenderopninga avgjer og kor stor dybdeskarpheit eit bilete har. Stor blendeopning gir liten dybdeskarpheit. Det vil sei at til dømes det som er akkurat ein meter frå kameraet og tjue cm inn i biletet er skarpt, medan resten er uskarpt. Liten blenderopning gir større dybdeskarphet, og då er til dømes alt som er mellom ein og ti meter frå kameraet skarpt.

Eg og Regine har teke bilete med tanke på dette idag.

Ein kan sjå korleis dybdeskarpheita blir mindre og mindre, jo større blenderopning ein har.
(lågt tal er stor blenderopning, høgt tal er mindre blenderopning)
På desse bileta ser ein det tydeleg på skapa, golvet og på lappen som ligg eit stykke bak mobilen.
Legg merke til at kameraet kompenserer at opninga er liten (dessutan at rommet er mørkt) med lengre lukkertid når det er mindre blenderopning for at det kjem passe mengde lys inn. 
Dette gjer kameraet automatisk når ein har det på innstillinga AV (for aperture value) og vrir hjulet for å variere blenderen.

Lukker: 30 sekund Blender: f/22 ISO : 100

Lukker: 8 sekund Blender: f/7,1 ISO: 100



Lukker: 1,6 sekund Blender: 3,5 ISO: 100

Illustrasjon og grafisk design del 3

I dag har eg arbeida med å setje saman bilete og tekst i InDesign.

Eg har endra plassering av bilete og tekst og prøvd ut ulike fontar for ulikt utrykk:

Her har eg valgt å la det vere mykje luft i layouten. Eg har plassert teksten på høgre side fordi eg likar best når teksten er venstrestilt, og eg likar at det er ei bein linje inn mot biletet. Eg har brukt ein font som heiter Adobe Caslon Pro. Det er ei antikva skrift eg tykkjer er fin og ryddig.

I neste forslag har eg brukt ei "handskrift" for å vise korleis utrykket endra seg til å verte meir personleg.  Fonten heiter Bickham Script Pro og eg valgte denne på grunn av fine  f-ar.  Eg lot biletet vere heilt utfallande oppe og nede  for ein heilhet når skrifta vart større.

Av same grunn som i førre forslag er diktet på høgre side.

Her har eg velgt ein font som heiter Helvetica Neue Ultralight. Sidan den er grotesk har eg brukt blå i staden for svart slik at det ikkje skulle bli for "hardt". Blåfargen er henta fra havet på biletet, noko som gir ein heilhet. Eg likar godt denne skrifta sidan den er så luftig og lett å lese.

Det siste forslaget har eg biletet heildekkjande over beggje sidene. Det eg likte med dette er at biletet og diktet vart smelta meir i saman, og det er ikkje lenger to element kvar for seg. Skrifta er kvit for å vere "lett", synleg og nøytral slik at ho ikkje øydela biletet.

Illustrasjon og grafisk design del 2

Idag har me arbeida vidare med bileta som skulle illustrere dikt, i Photoshop. 

Me gjorde bileta svartkvite.

Eg brukte funskjonen Gradient Map i ein 'adjustmentlayer'.

Det gjer ein slik:

Ein opnar biletet ein vil endre i Photoshop og følgjer desse stega:

Layer>New adjustment layer >Gradient map

Då får ein eit svartkvit-bilete med mange gråtonar:

  Vidare brukte eg 'curves' for å auke kontrasten i biletet.  

Layer>New adjustment layer >Curves
Ein får då opp eit vindauga som ser slik ut:
ved å endre kurva endrer ein lyset i biletet.

Etter å ha endra lyset slik eg ville, skulle me ta vekk 'svartkvit-laget' på delar av biletet. Det gjorde eg ved å lage ein overgang frå svart til kvit i 'layer maska' som gjer at biletet går frå svartkvit til farga på biletet. Denne overgangen laga eg med 'gradient tool'.  'Layer mask' fungerer slik at der maska er heilt

kvit viser laget heilt. Er maska svart, er laget usynleg og det som er grått er 'gjennomskineleg'

Slik vart biletet:

Korleis det var før redigeringa kan du sjå i førre innlegg.

Illustrasjon og grafisk design del 1

I dag har eg arbeida med å ta bilete som skulle illustrere ulike dikt.
Dei to første bileta høyrer til diktet Kalypso av Åse Marie Nesse. Eg har teke bilete av stormande hav og Feistein fyr i bakgrunnen. Diktet handlar om at eit fyrlys blir tent for å lede all villfaren kjærleik til land.
Dessutan passar det seg godt med Feistein Fyr i og med at det nesten er eit symbol på Klepp, kommunen Åse Marie Nesse er frå.

Kalypso
Eg tenner eit fyrlys for alle som elskar
for dei som ror i ring og aldri finn same rytmen
for dei som berre lyder til signal
frå framande farty
for dei som støytte på grunn i medvind
for dei som styrer etter stive sjøkart
utan å ense måkars mjuke flog
for alle som kjenner dei sju hav
og aldri lodda djupa i sitt eige hjarta

eg tenner eit fylys
for all villfaren kjærleik
så vegen til det lova landet
blir synleg i natt

Lukker: 1/3200 Blenderåning: f/ 6.3 ISO: 200
Lukker: 1/500 Blenderåpning: f/6.3 ISO: 200


Det andre diktet eg har teke bilete til er Ord over grind av Halldis Moren Vesaas.
I dette diktet er grind eit viktig symbol. Trass grinda eg tok bilete av ikkje er ei typisk grind, likar eg godt kontrasten mellom treverket og metallet og dei bøyde linjene.

Ord over grind

Du går fram til mi inste grind,
og eg går òg fram til di.
Innanfor den er kvar av oss einsam,
og det skal vi alltid bli.

Aldri trenge seg lenger fram,
var lova som gjalt oss to.
Anten vi møttest tidt eller sjeldan
var møtet tillit og ro.

Står du der ikkje ein dag eg kjem
felle det meg lett å snu
når eg har stått litt og sett mot huset
og tenkt på at der bur du.

Så lenge eg veit du vil koma i blant
som no over knastande grus
og smile glad når du ser meg stå her,
skal eg ha ein heim i mitt hus.

 

Lukker: 1/400 Blenderåpning: 5.0 ISO: 200

lukkerTID

Me har lært om og teke bilete med tanke på lukkerid.

Lukkertida bestemmer over kor langt tidsrom kameraet skal ta inn lys.
Eg samarbeida med Regine og Tonje, og du skulle nok likt å vera fluge på veggen.

Ein kan med kort lukkartid vise korleis noko ser ut i akkurat eit tusendelssekund. I løpet av så kort tid rekk ikkje ting å bevege seg særleg og ein får ein "fryst" bevegelse.

Lukkertid: 1/100 Blenderåpning: f/3.5

 Lukkertid: 1/200 Blenderåpning: f/3.5

Ein kan ta ta bilete med lang lukkertid og samle inn lys i fleire sekund og gi biletet tid i seg. I løpet av seks sekund kan det skje mykje og kameraet fangar heile bevegelsen med den lange lukkertida.

Lukkertid: 6" Blenderåpning: f/22

Lukkertid: 6" Blenderåpning: f/22

Lukkertid: 2" Blenderåpning: f/16

På kameraet kan ein stille kameraet inn på S (TV for time value på andre kamera) S står for 

shutterspeed. Då stiller ein sjølv inn lukkertida, så tilpasser kameraet seg i forhold til den.

Arnulf Rainer

Tysdag 25. januar var fotogruppa på Stavanger Kunstmuseum for å sjå ein utstilling med bilete laga av Arnulf Rainer. 

 Arnulf Rainer er ein austerisk kunstnar. Idag er han 82 år gamal og kvar laurdag måler han nesten heile døgeret.

Bileta me såg var eit utdrag frå fleire seriar og viste korleis Rainer stadig brukte nye teknikkar og laga ulike utrykk opp gjennom karrieren sin.

 Eg likte at bileta var henta frå eit så bredt tidspenn slik at ein kunne sjå utviklinga hans.

Dette er nokre av bileta som var frå byrjinga av karrieren hans. Bileta til venste er surrealsistiske teikningar med blyant og blekk. Bileta til høgre er blindteikningar, laga litt sienare.

 Ein anna teknikk Rainer brukte var å ta portrett (av seg sjølv, andre menneske og statuar som på bileta øverst), for deretter å arbeide oppå dei med fettstift og lage riper med kniv. 

Det eg synes var fint med dette var korleis han både forandra og framheva bodskapen i biletet.  Sjølv meiner eg nokre av bileta vart veldig valdsame og ubehagelege å sjå på. 

Desse bileta er nyare og det var desse eg likte best i utstillinga. Sjølv om portretta var intressante og spanande ville eg mykje heller hatt desse på veggen heime for å sjå på kvar dag.  

Etter at me såg utstillinga hadde me ein workshop der me sjølv laga sjølvportrett inspirert av korleis Rainer gjorde det; fettstiftar på fotografi.

Eg valgte å framheve der skjelettet laga lys og skuggar, spesielt på hendene, og å rable med og dra ut fettstiftane slik at det såg meir grotesk ut. Eg lot augene vere i fred sidan dei allereie var ekle.

Resultatet vart slik:

Vågen vidaregåande.

Den første oppgåva vår var å ta bilete av skulen vår. Me skulle tenke på utsnitt, komposisjon, lys og detaljar.

Dette er dei tre bileta eg likte best.

 Eg tok bileta med eit Sony a100 kamera.

Dette biletet er frå garderobane utføre forestillingsalen. Det eg likte med dette biletet var kontrasten mellom sida lyset fell på og skuggesida på hengarane. Dessutan likte eg korleis hengarane som er heilt like ikkje heng heilt på rekkje og skapar både rytme og spenning i biletet i og med at det er same form berre ulikt lys og vinkel. Når eg tok biletet tenkte eg og på at metallstanga ikkje skulle vera i fokus for eg syns "bokeh-ane" er ein fin detalj. Eg har redigert vekk litt støy med iPhoto og beskjert det litt då eg tok skjermdump.

Dette biletet er teke i det sosiale rom der sola skein inn. I dette biletet ville eg få med mønsteret av sollys på golvet laga av skuggane til vindauga og stolbein og dei organiske linjene til den raude stolen. 

Dette biletet er teke av ein lampe i same rom som hengarane. Eg har ofte lagt merke til mønsteret på innsida av lampane på skulen og ville fange detaljane med kamera. På dette biletet er lys/mørk kontrasten tydeleg og eg likar korleis graderinga skjer flate for flate, og korleis kvar flate likevel har mange nyansar og refleksjonar. Biletet vart teke med litt varm temperatur-instilling på kameraet.